2018 жылдың 11-13 сәуір аралығында Анталия қаласында (Түркия) өткен «Raw materials to processed foods» атты Халықаралық конференцияға Қолданбалы химия институтының директоры, х.ғ.к., PhD докторы Е.М. Сүлеймен және жетекші ғылыми қызметкерлер х.ғ.к., қауымдастырылған профессор (доцент) Ж.Б. Искакова, химия ғылымдарының магистрі Г.Ғ. Сисенғалиева қатысты. Конференция жұмысы жетекші ғалымдар мен зерттеушілердің күш-жігерін ең соңғы инновациялар мен процестерді ұсыну және талқылауды біріктіруге, сондай-ақ тағам, ғылым, өңдеу және технология сияқты барлық аспектілер бойынша зерттеу нәтижелерімен тәжірибе алмасу үшін арналды. Іс-шараны Түркияның Цукуров университеті және Адана ғылыми-техникалық университеті бірлесіп ұйымдастырды.

Цукурова Университетінің (Түркия) ауыл шаруашылығы факультетінің профессоры, PhD докторы Серкан Селли (Serkan Selli) Л.Н. Гумилев атындағы Еуразия ұлттық университетінің Қолданбалы химия институтын зерттеу жұмыс нәтижелері бойынша және мақалаларының жарияланымы бойынша Қазақстанда алдыңғы қатарында тұруы себепті тауып алған. Аталған конференцияға қатысу үшін қаражат ішінара Түркия Премьер-министрі (Түрік агенттігі ынтымақтастық және үйлестіру) TIKA тарапынан болды.

Айта кететін жәйт, химия ғылымдарының кандидаты, PhD докторы Ерлан Сүлеймен басқаратын Қолданбалы химия институты жақында құрылғанына қарамастан химия саласындағы қазіргі заманға сай аспаптармен жабдықталған, халықаралық байланыстары бар қарқынды дамып келе жатқан ғылыми орталықтардың бірі екендігін атап кеткен жөн.

Қолданбалы химия институтының директоры Е.М. Сүлеймен, жетекші ғылыми қызметкерлер Ж.Б. Искакова, Сисенғалиева Г.Ғ., профессор Серкан Селли (Serkan Selli)

Қолданбалы химия институтының директоры, х.ғ.к., PhD докторы Ерлан Сүлеймен «Component composition and biological activity of essential oils and plant extracts from Cousinia alata Schrenk and Achillea salicifolia Besser.» ауызша баяндамасымен қатысты.

Қолданбалы химия институтының директоры Е.М. Сүлеймен баяндамамен қатысуда

Қолданбалы химия институтының жетекші ғылыми қызметкерлері х.ғ.к., қауымдастырылған профессор (доцент) Ж.Б. Искакова және химия ғылымдарының магистрі Г.Ғ. Сисенғалиева «Component composition and biological activity of essential oils and plant extracts from Chartolepis intermedia Boiss» постерлік баяндамамен қатысты.

Жетекші ғылыми қызметкер Ж.Б. Искакова постерлік баяндама барысында