Жаңалықтар

1 қыркүйек күні Білім және ғылым министрі Жансейіт Түймебаев барша қазақстандықтарды Білім күнімен құттықтады. Ол өз сөзінде "бүгінде талғам өзгергенімен, талап жалғыз. Ол қазіргі заманғы бәсекеге қабілетті білімді ұрпақ тәрбиелеу. Себебі тәлім мен тәрбие мәселесі - қоғамымыздың келешегі" екенін атап өтті.

29 тамыз күні Еуразия ұлттық университетіне Үндістанның ұлттық кадет корпусының директоры генерал-лейтенант Радж Карвал және оның жұбайы Гита Карвал, Үндістанның Қазақстандағы елшілігінің әскери атташесі Раджа Субрамани, әскери дайындық бойынша хатшының орынбасары Рабиндра Прасад келді.

25 тамыз күні ЕҰУ-дің Ғылыми кеңесінің кезекті отырысы өтті. Онда Еуразия ұлттық университеті мен Томск политехникалық университеті арасында «Жылуэнергетика» (Double Degree) мамандығы бойынша бірлесіп магистр дайындау жұмысын жүзеге асыру және «Жылуэнергетикасы мен жылутехникасы» бағыты бойынша білім беру бағдарламаларын дайындау туралы келісім бекітілді.

ҚР Білім және ғылым министрлігінің ұлттық аккредиттеу орталығы еліміздегі ЖОО-ның бакалавр мамандарын дайындау дәрежесін анықтайтын «Рейтинг-2010» атты байқау қорытындысы жариялады. Байқау барысында университет студенттерінің, оқытушылары мен ғалымдарының концентрациясы, ресурстарының қаншалықты жеткілікті екені, халықаралық байланысы, түлектерінің бәсекеге қаншалықты қабілетті екені, алдыңғы қатарлы ғылыми жұмыстары ескерілді. «Рейтинг - 2010» байқауында университет оқытушыларының импакт-факторы жоғары ғылыми журналдарда жарияланған мақалалар санына да назар аударылды. Сарапшылардың пікірінше, бұл критерий жоғары оқу орнында жүргізілетін зерттеулердің қаншалықты өзекті екенін аңғартады, әрі ғаламдық білім беру рейтингіне қатысуға жол ашады.