Деканға қойылған сұрақтар

Сұрақ: Құрметті Неля Луқпанқызы! Жоғарғы оқу орнына білім грантын алу үшін қандай жеңілдіктер бар?

Жауап: Мемлекеттік білім гранттарын бөлуде «Алтын белгі» иегерлері, халықаралық республикалық олимпиада, ғылыми және спорт жарыстарының иегерлеріне жеңілдік беріледі. Сонымен қатар мүгедектер, жетімдер, ата-аналары соғыс ардагерлері және әлеуметтік жағдайы төмен студенттер үшін жеңілдіктер қарастырылған.

Сұрақ: Неля Луқпанқызы! Қазіргі студент жастарда көңіл-күй бұзылуы, стресс, көптеп кездеседі, әсіресе сессия кезінде. Соған қандай көмектеріңіз бар?

Жауап: Астана қаласында тегін психологиялық көмек қызметі және психикалық сенім мәселелері медициналық орталығы негізінде Дағдарыс орталығының сенім телефоны жұмыс істейді 54-74-03 (тәулік бойы), онда психолог және психотерапевтер кезекшілік етеді. Жаратылыстану ғылымдары факультетінде биология ғылымдарының докторы Тулебаева С.Т. жетекшілігімен психологиялық адаптация клубы жұмыс істейді. Клубта әртүрлі семинарлар, тренингтер кеңестер жүргізеді. Зерттеу нәтижелері талданады, мұнда көбіне 1,2 курс студенттері келеді.

Сұрақ: Неля Луқпанқызы! Мен спортты жақсы көремін, өзім спротпен белсенді айналысамын, қыстық спорт түрлерін жақсы көремін,Қазақстанда өтетін қыстық Азия ойындарына аз уақыт қалды, волонтер ретінде жұмыс істеуім үшін кімге жолығуым керек?

Жауап: Волонтерлікке жазылу үшін инженерлік оқу ғимаратында (№3) 204 бөлмеде тәрбие ісі жөніндегі деканның орынбасары Сұлтанәли А.М. келу керек. Бірақ жазылғысы келетін студенттердің тізімі ұсынылған, менің ойымша қосымша жазылу үшін Иманов к-сі 13б, 508 бөлмеге барып тіркелуге болады.

Сұрақ: Неля Луқпанқызы, мен ЕҰУ-де болған ашық есік күніне бардым және сіздің сөз сөйлегеніңізге куә болдым. Сіздің онда сөйлеген сөзіңізден кейін менің осы факультетке биология мамандығы бойынша оқуға түсуге көңілім ауды. Маған сіздің факультетке түсу үшін БҰТ-де қанша балл жинауым керек?

Жауап: Өткен жылы «биология» (жаратылыстану ғылымдары) мамандығы бойынша оқуға түсу балы грант бойынша қаз/орыс санамағанда 80-85 балды құрады.

Сұрақ: Құрметті Неля Луқпанқызы! Мен басқа факультеттің студентімін, менің досым сіздерде оқиды, ол сабақты көп жіберіп қойды, егер сабақты көп жіберетін болса не болады?

Жауап: Сабақтың кестесі оқу жылының басынан құрастырылады және жоспар бойынша кредиттік сағатына тәуелді. Кредиттік жүйе бойынша сабақтан 60 сағаттан артық келмесе

Сұрақ: Құрметті Неля Луқпанқызы, сіздің факультет магистратура бағдарламалары бойынша қандай халықаралық университтермен қарым-қатынас жасайды.

Жауап: «Экология» мамандығы бойынша Нью Мексика (АҚШ) университетімен, «География» мамандығы бойынша штат Айова (АҚШ) 2009 жылдан бастап екі дипломдық магистерлік бағдарлама бар.