Информатика кафедрасы

"Информатика" кафедрасы 2004 жылдың 1 қыркүйегінде университет ректорының бұйрығымен құрылды.

Кафедра университеттің барлық мамандықтарында («Есептеуіш техникасы», «Ақпараттық жүйелер» және «Жүйелік талдау және басқару» кафедралары мамандықтарынан басқа) информатика, ақпараттық технологияларға байланысты пәндерді жүргізеді, яғни бұл бағыт бойынша сервистік болып табылады. Кафедрада жаңа ақпараттық технологиялар және білім беру процесінің заманға сай принциптері қолданылады. Информатика кафедрасы 5В011100 – «Информатика» (бакалавриат) және 6М011100 – «Информатика» (магистратура) мамандықтары бойынша мамандарды дайындайды. Екі мамандықта «білім беру» мамандарын дайындауға бағытталған:

• 5В011100 - «Информатика» (бакалавриат) – оқу мерзімі 4 жыл
• 6М011100 – «Информатика» (магистратура) (ғылыми-педагогикалық деңгей) – оқу мерзімі 2 жыл.

Кафедра меңгерушісі Мәлібекова Меруерт Сериковна – педагогика ғылымдарының докторы, профессор. 01.01.1961 туылған. 1983 жылы Е.А.Букетов атындағы Қарағанды Мемлекеттік университетін бітірген, математик, 2008 жылғы «ЖОО үздік оқытушысы» республикалық грантының иегері.

Кафедрада:

1- педагогика ғылымдарының докторы;

3- педагогика ғылымының кандидаттары;

4- физика-математика ғылымдарының кандидаттары;

1- техника ғылымдарының кандидаттары;

9- доцент;

2- докторант;

6- магистр - қызмет етеді.

Ғылыми атағы бар оқытушылардың үлесі 85 %-ды құрайды.

5В011100 – Информатика (грант, келісім-шарт) мамандығы бойынша оқу мерзімі – 4 жыл. Бакалаврларды дайындау 3.08.011-2004, 3.08.261-2006 ҚР мемлекеттік білім беру стандарттары негізінде жүргізіледі. 5В011100 - Информатика мамандығы бойынша бакалавриатты бітірушіге – информатика бакалавры академиялық дәрежесі беріледі.

5В011100 - Информатика мамандығы бакалаврының біліктілік мінездемесі:

Кәсіби қызмет ету ортасы:

• білім беру;
• ғылым.

Бітірушілердің кәсіби қызмет ету обьектілері:

• орта мектептер және орта-кәсіптік білім беру ұйымдары, лицей, гимназия, кәсіптік-техникалық училищелер;
• ғылыми-зерттеу институттары, информатика, математика, педагогика, психология және математиканы оқыту әдістемесі салалары бойынша орталықтар;
• мемлекеттік басқару органдары, білім беру департаменттері;
• компьютерлер және математикалық әдістерді қолданатын әр-түрлі меншік түріндегі ұйымдар.

Бітірушілердің кәсіби қызмет ету саласы болып:

• орта мектептер, орта кәсіптік білім беру ұйымдары;
• институт, жоғары оқу орындары, зертханаларда ғылыми – зерттеу қызметі;
• бағдарламалық, математикалық, ақпараттық қамтамаларды жобалау, ендіру және сүйемелдеу технологиялық процестері табылады.

Кәсіби қызмет ету түрлері.

5В011100 - "Информатика" мамандығы бакалаврлары келесідей қызмет түрлерін жүргізе алады:

• білім беру;
• ғылыми-зерттеу;
• әлеуметтік-педагогикалық;
• ұйымдастырушы-тәрбиелік;
• мәдени-ағартушылық;
• коррекциялық-дамытушылық.

Кәсіби қызмет ету функциялары:

• жалпы білім беретін орта мектептер, гимназиялар, колледждер, лицейлерде «Информатика» оқу пәнін жүргізу, соның ішінде қазіргі уақыттағы педагогикалық және ақпараттық технологияларды қолдану арқылы;
• бағдарламалық, математикалық, ақпараттық қамтамаларды жобалау, ендіру, сүйемелдеудің барлық кезеңдеріне қатысу;
• таңдап алынған бағыттар және басқа ұқсас салалар бойынша ғылыми зерттеулер жүргізу;
• жаңа технологияларды қолдану арқылы ғылыми негізде өзіндік еңбекті ұйымдастыру.