Л.Н.Гумилев атындағы ЕҰУ-дің ғылыми басылымдары

Eurasian Mathematical Journal

Мемлекеттік тілде оқулықтар дайындау – заман талабы

 «Л.Н.Гумилев атындағы Еуразия ұлттық университетінің хабаршысы» 1995 жылдан бастап жылына 6 рет шығады.

Сериялар:

1. Гуманитарлық ғылымдар (филология, педагогика, психология, тарих, құқықтану, әлеуметтану, философия, саясаттану);
2. Физика;
3. Математика, информатика;
4. Жаратылыстану-техникалық ғылымдары.

 Журналда мақалалар қазақ, орыс, ағылшын немесе неміс тілдерінде шығады.

Л.Н. Гумилев атындағы ЕҰУ Хабаршысы»

журналының ғылыми мақалаларды қабылдау

ЕРЕЖЕСІ 

1. «Л.Н. Гумилев атындағы ЕҰУ Хабаршысы» ғылым журналындағы мақалалар гуманитарлық және техникалық бағыттағы ғылыми зерттеулердегі жаңалықтар мен өзекті мәселелерді қамтиды.

2. Мақала көлемі кестелерді, суреттерді, пайдаланылған әдебиеттер тізімін және негізгі мәтін алдында жазылатын түйінді қосқанда 12 беттен аспауы керек.  Мәтін Microsoft Word редакторында Times New Roman 14 пт әрпімен, аралық 1 интервалмен, үстіңгі және астыңғы жақтарынан – 2 см; сол жағынан – 3 см және оң жағынан – 1,5 см қалдырылып теріледі. Бірінші беттің ортасына қалыпты әріптермен автордың аты-жөні, оның астына мақаланың аты, төменіректе жай жақшаның ішінде жұмыс орындалған ұйымның аты мен қаласы жазылады.

Суреттер саны 5-тен аспауы керек (биология, физика-математика, химия салалары бойынша 10-нан аспауы керек) және иллюстрациялар (графиктер, схемалар, диаграммалар) компьютерде салынуы керек.

Барлық формулалар мен символдар (математикалық, физикалық, химиялық) Microsoft Equation және Microsoft Word редакторында теріліп, нөмірленіп, сілтемелер жасалады.

Әдебиеттерге жасалған сілтемелер тік жақшамен [1,15] көрсетіледі. Пайдаланылған әдебиеттер тізімі төмендегіше жазылады:

1. Балақаев М.Б. Қазақ әдеби тілі. – Алматы: Ғылым, 1987. -272 б.

2. Ататүрік айтқан екен // Егеменді Қазақстан. -1991. - 28 желтоқсан.

3. Маманова Л.Ж. Терминнің сөзжасам жүйесін зерттеу мәселелері // Л.Н.Гумилев атындағы ЕҰУ Хабаршысы. -2009. -№3. -27-35 б.

4. Мақала төмендегі құжаттармен қоса екі данада және СD дискімен қабылданады:  

– Сыртқы пікір;

– Ішкі пікір;

– Түйін (1/3 кем емес) екі тілде (қазақша-ағылшынша немесе орысша-ағылшынша);

– Жеке парақта автор жөнінде толық мәлімет көрсетіледі (аты-жөні, ғылыми дәрежесі, ғылыми атағы, жұмыс орыны, мекен-жайы, телефоны, факсы, е-mail-ы).

- төлемақы түбіртегі (университет профессорлық-оқытушылық құрамына, қызметкерлеріне – 3 000 теңге, өзгелерге 4000 теңге, университет есеп-шотына төленеді)

№1 (Гуманитарлық сала) – 15-қарашаға дейін; редакциялық алқада қаралу мерзімі 16-30 қараша аралығы, шығу мерзімі – қаңтар;

№2 (Жаратылыстану-техникалық сала) – 15-қаңтарға дейін; редакциялық алқада қаралу мерзімі 16-30 қаңтар аралығы, шығу мерзімі – наурыз;

№3 (Гуманитарлық сала) – 15-наурызға дейін; редакциялық алқада қаралу мерзімі 16-30 наурыз аралығы, шығу мерзімі – мамыр;

№4 (Жаратылыстану-техникалық сала) – 15-мамырға дейін; редакциялық алқада қаралу мерзімі 16-30 мамыр аралығы, шығу мерзімі – шілде;

№5 (Гуманитарлық сала) – 15-тамызға дейін; редакциялық алқада қаралу мерзімі 1-15 қыркүйек аралығы, шығу мерзімі – қазан;

№6 (Жаратылыстану-техникалық сала) – 15-қазанға дейін; редакциялық алқада қаралу мерзімі 16-30 қазан аралығы, шығу мерзімі – желтоқсан.

Редакциялық алқа тексергеннен кейін жөндеуге берілген мақаланың қабылданған мерзімі жөнделіп әкелген күн қабылданған күн болып есептеледі. Мақала ғылыми, грамматикалық, стилистикалық тұрғыдан сауатты болуы керек. Редакциялық алқаның журналға жарамсыз деп қайтарған мақаласы үшін РББ қызметкерлері жауап бермейді.  Редакциялық алқада  қаралып жариялануға рұқсат берілмеген мақалаларға төленген төлемақы авторға қайтарылмайды.

Xabarshy.enu@mail.ru

 Біздің мекен жайымыз:

010008, Астана, 

Қ.Мұңайтпасов к-сі, 5 үй

Л.Н.Гумилев атындағы ЕҰУ  

Оқу-әкімшілік ғимарат, редакиялық-баспа бөлімі, 336 кабинет.

Тел.: (8-7172) 35-38-06 (+30-69)