Ынтымақтастық

Халықаралық алмасу бағдарламасына Л.Н. Гумилев атындағы ЕҰУ студенттері мен магистранттары, докторанттары қатыса алады.

Халықаралық білім беру бағдарламалары бөлімі студенттері мен магистранттар, докторанттарға университет факультеттері мен тиісті ақпараттық қорлар (сайт, бөлімнің әлеуметтік желілері) арқылы Халықаралық алмасу бағдарламасы туралы мәлімдейді. Талапкерлермен халықаралық алмасу Л.Н. Гумилев атындағы ЕҰУ-дың әріптес ЖОО-ларымен жасалынған келісім-шартқа сәйкес жүзеге асырылады. Халықаралық алмасу бағдарламасына қатысу талаптары мен тәртіптері әріптес жоғары оқу орны арасындағы келісім-шартқа негізделеді.

Халықаралық білім беру бағдарламасына қатысу үшін қабылдайтын әріптес ЖОО/ұйымдардың талаптары ескеріліп, талапкерлерді шетелде білім алуға жіберу үшін алдымен университет тарапынан байқау комиссиясы құрылады.

Сонымен қатар студенттердің Еуропалық Одақ (Erasmus Mundus), АҚШ-тың Мемлекеттік Департаменті (UGRAD), Герман академиялық алмасу қызметі (DAAD) және тағы басқа гранттық және стипендиалды бағдарламалар бойынша білім алуларына зор мүмкіндіктері бар.