Дайджесттер

Тамыз айына арналған дайджест

Шілде айына арналған дайджест


21.11.2014

Қазақстанда ҚХА кафедраларының қауымдастығы құрылды

Елбасы Н.Ә.Назарбаев 2015 жылды Қазақстан Халқы Ассамблеясының жылы деп бекіткен болатын. Қазақстан Халқы Ассамблеясының 20 жылдығы қарсаңында өткен бұл іс-шараны Қазақстан Халқы Ассамблеясы төрағасының орынбасары, Л.Н.Гумилев атындағы Еуразия ұлттық университетінің ҚХА кафедра меңгерушісі, профессор Анатолий Башмаков ашты.

«ЕҰУ-дің әлеуметтік-мәдени даму жөніндегі проректоры Дихан Қамзабекұлы құттықтау сөз сөйлеп, құрылтай жұмысына ректор атынан сәттілік тіледі», - делінген хабарламада.

«Қазақстан Халқы Ассамблеясы кафедрасы өзінің өміршеңдігін көрсетті. Мұнда келген адам бүкіл Қазақстаннның құндылығын сезіне түседі»,- деді ол.

Құрылтай жұмысы Қазақстан Халқы Ассамблеясының кафедраларының негізгі басты бағыттарын талқылауға, ҚР жоғары оқу орындарында Қазақстан Халқы Ассамблеясының әдіснамалық алаңын құруға, жастар арасында толеранттық мінез-құлықты қалыптастыруға арналған тәрбиелік жұмыстарды өткізуге, ҚР-ғы этносаяси бағыттардағы іргелі ғылыми жобаларды бірігіп әзірлеуге бағытталды.

Конференция барысында ортақ келісілген жұмыстарды атқару және іс-тәжірибе алмасу мақсатында Қазақстан Халқы Ассамблеясы кафедраларының Ассоцияциясының Ережесі қабылданды. Бұл ережеде қауымдастықтың мақсаты мен міндеттері, қызметі, мүшелері, қызметінің іске асуы және қызметін тоқтатуы анық жазылған.


Источник:  http://strategy2050.kz/news/14338

Возврат к списку



Copyright © www.enu.kz 2012. Все права сохранены.

Исходный URL (загружено - 08.04.2020 / 12:12 ): www.enu.kz/baspasoz-kyzmety/daidjest/32741/index.php?print=Y