Л.Н.Гумилев атындағы Еуразия ұлттық университеті

«Алтай мұралары» халықаралық автоэкспедициясы жолға шықты

Ауқымды шара Тәуелсіздіктің 25 жылдығы мен Гумилев атындағы Еуразия ұлттық университетінің 20 жылдығы аясында өткізіліп отыр. Ғалымдар, жазушылар, этнограф-тарихшылар мен өнер және қоғам қайраткерлерінен жасақталған экспедиция құрамында 25 адам бар. 12 күн сапар шегетін топ мүшелері 4 мың 500 шақырымды еңсеріп, еліміздің солтүстік, шығыс өңірлері мен Ресейдің Алтай аймағындағы елді мекендерді аралап шығады. Сапар барысында жинақталған материалдар негізінде деректі фильм түсіріліп, фотокөрме өткізу жоспарда бар.