ENU.KZ | Л.Н.Гумилев атындағы Еуразия ұлттық университеті

Құрметті әріптестер!

Л.Н. Гумилев атындағы Еуразия ұлттық университеті (Нұр-Султан, Қазақстан) Сізді «Eurasian Mathematical Journal» журналының шығарыла бастағанына 10 жыл толуына арналған «Анализдің, дифференциалдық теңдеулердің және алгебраның өзекті мәселелері» (EMJ-2019) халықаралық конференциясына қатысуға шақырады. Конференция 2019 жылғы 16-19 қазанда Нұр-Султан қаласында өтеді.

«Eurasian Mathematical Journal» журналын (әрі қарай EMJ) M.В. Ломоносов атындағы Мәскеу мемлекеттік университетінің (Ресей), Халықтар достығы университетінің (Ресей, әрі қарай - РУДН) және Падуя университетінің (Италия) қолдауымен Л.Н. Гумилев атындағы Еуразия ұлттық университеті (әрі қарай ЕҰУ) 2009 жылы шығара бастады. 2018 жылдан бастап журналды ЕҰУ мен РУДН бірігіп шығаруда. Редакциялық алқада 25 елдің 60-тан астам ғалымдары бар. 2010-2018 жылдары журналда 300-ден астам ғылыми және шолу мақалалары жарық көрді. Журнал Web of Science және Scopus деректер қорларына енген, оны Mathematical Reviews (США), Zentralblatt für Mathematik (Германия) және Referativnyi Zhurnal (Ресей) рецензиялайды. Журнал MathSciNet (АҚШ) және Math-Net.Ru порталдарында тіркелген.

Халықаралық бағдарламалық комитет

Төраға:

Сыдықов Ерлан Бәтташұлы, Л.Н. Гумилев ат. ЕҰУ ректоры.

Тең төрағалар:

Буренков Виктор Иванович, РХДУ профессоры (Ресей);

Өтелбаев Мұқтарбай, ҚР ҰҒА академигі (Қазақстан);

Садовничий Виктор Антонович, М.В. Ломоносов ат. ММУ ректоры, РҒА академигі (Ресей).

Ұйымдастыру комитеті

Төраға:

Молдажанова Әсемгүл Александровна, Л.Н. Гумилев ат. ЕҰУ бірінші проректоры - оқу ісі жөніндегі проректор.

Төрағаның орынбасарлары:

Жолдасбекова Ақбота Ниязовна, халықаралық байланыстар және инновация жөніндегі проректор;

Мерзадинова Гүлнәр Тынышпайқызы, ғылыми-зерттеу жұмыстары жөніндегі проректор;

Дихан Қамзабекұлы, әлеуметтік-мәдени даму жөніндегі проректор, ҚР ҰҒА академигі;

Айдарғалиева Назгүл Ғазизоллаевна, қаржы-шаруашылық жұмыстары жөніндегі проректор м.а.;

Жәйшібеков Нұрболат Жұмабекұлы, механика-математика факультетінің деканы;

Оспанов Қордан Наурызханұлы, іргелі математика кафедрасының профессоры.

Жауапты хатшы:

Темірханова Айнұр Маралқызы, ассоциативті профессор (emj2019@yandex.kz).

Комитеттердің толық тізімін конференцияның web-парағынан осы жерден көруге болады.

Конференция жұмысы келесі секциялар бойынша өтеді:

1. Функциялар теориясы және функционалдық талдау.

2. Дифференциалдық теңдеулер және математикалық физиканың теңдеулері.

3. Алгебра және модельдер теориясы.

Қатысушылардың таңдамалы баяндамалары «Eurasian Mathematical Journal» және Web of Science дерекқорына енетін Қарағанды мемлекеттік университетінің хабаршысы, «Математика» журналдарында жариялауға ұсынылады.

Пленарлық (30-40 мин.), секциялық (15-20 мин.) және стендтік баяндамалар жоспарланған. Конференцияның ресми тілдері: қазақ, орыс және ағылшын.

Ұйымдастыру комитетінің электронды почтасы: emj2019@yandex.kz.

Конференцияға қатысу үшін:

1. Конференция сайтында тіркелу қажет;

Ол үшін конференция қатысушылары 2019 жылдың 31 тамызына дейін авторлар жайлы мәлімет бар өтінімді онлайн осы жерде толтыруы керек немесе ұйымдастыру комитетінің электрондық поштасына өтінімді жіберу керек. Өтінім үлгісін осы жерден жүктеп алуға болады.

2. Тіркелу жарнасы: 15 000 тенге немесе 40$ барлық қатысушылар үшін;

5 000 тенге немесе 15$ докторанттар, магистранттар және студенттер үшін;

Тіркелу жарнасы конференция материалдарын дайындау мен кофе-брейктерді ұйымдастыруға жұмсалады. Тіркелу жарнасын конференцияға келіп, тіркелген кезде де төлеуге болады.

Ескерту! Егер қатысушыларға қаржылық есеп беру үшін тиісті құжаттар қажет болса (фискальды чек), онда тіркелу жарнасын міндетті түрде университеттің есепшотына төлеу керек.

Тіркелу жарнасын банк арқылы төлеу үлгісі:

Алушы:	РГП на пхв «Евразийский национальный университет им. Л.Н. Гумилева» МОН РК
Мекен-жайы:	010008, Нұр-Сұлтан қ., Қазақстан Қ. Сатпаев көшесі, 2 Тел. 8 (7172) 70-95-46, 70-94-57
БИН:	010140003594
Кбе:	16
Тіркелу жарнасын төлеу (тенге)	Банк: AO «Банк Центр Кредит» БИК: KCJBKKX БИН: 980741000260 Шот нөмірі: KZ978562203105747338
Тіркелу жарнасын төлеу (RUB)	Банк: AO «Цеснабанк» БИК: TSESKZKA Есепшот нөмірі: KZ07998ВТВ0000004034
Төлемнің мақсаты ретінде МІНДЕТТІ түрде келесі ақпаратты жазу керек: <*қатысушының толық аты-жөні.> «Анализдің, дифференциалдық теңдеулердің және алгебраның өзекті мәселелері» (EMJ-2019)*.

Ескерту! Тіркелу жарнасын банк арқылы төлегеннен кейін фискальды чектің көшірмесін ұйымдастыру комитетінің электронды поштасына emj2019@yandex.kz жіберуіңізді сұраймыз.

3. Баяндама тезисін ұсыну.

Баяндама тезисін 2019 жылдың 10 қыркүйегіне дейін конференция сайтында осы жерде тіркеп немесе ұйымдастыру комитетінің электрондық поштасына emj2019@yandex.kz жіберуіңізді сұраймыз. Тезистер TeX теру ортасында, конференция үлгісіне сәйкес құрастырылу керек. Көлемі 2 беттен аспауы қажет. Тезис мәтінінің үлгісі (Template_kaz.tex, Template_rus.tex, Template_eng.tex) осы жерден жүктеп алуыңызға болады.

Тезис файылының аты оны (*.tex және *.pdf) жіберуші автордың латын әріптерімен жазылған тегі мен атынан тұруы тиіс. (мысалы, Б. Қошқарованың тезисі үшін KoshkarovaB.tex және KoshkarovaB.pdf). Барлық тезистер жарияланбас бұрын рецензиялаудан өтеді.

Қонақ үйлер

Ұйымдастыру комитеті қонақ үйге алдын-ала бронь жасауды өтінеді. Келесі қонақ үйлер Л.Н. Гумилев атындағы Еуразия ұлттық университетіне жақын орналасқан (олардың орналасу схемасын https://yadi.sk/i/RqCIuoK73Ayown сайтынан алуға болады). Қонақ үйлер тізімде университетпен арадағы қашықтығы өсу ретімен көрсетілген.

Қолдау көрсетушілер:

- Ресей халықтар достығы университеті;

- “International Society for Analysis, its Applications and Computation” қоғамы.

Маңызды даталар:

31.08.2019 дейін – конференцияға тіркелу.

10.09.2019 дейін – баяндамалар тезистерін жіберу.

15.09.2019 дейін – баяндамаларлың бағдарламаға енгізілгенін растау.

15.10.2019 - келу күні.

16.10.2019 - қатысушыларды тіркеу, конференцияны ашу.

19.10.2019 - конференцияны жабу.

20.10.2019 - кету күні.