Еуразия математикалық институты (ЕМИ)
Құрылған жылы: 2003
Адрес: Қажымұқан көшесі, 13 Астана, 010008
Құрылымы
Институт құрамында екі бөлім бар:«Дифференциалдық теңдеулер және қолданбалы функционалдық талдау» және «Функциялар теориясы мен жуықтау теориясы». Бұл бөлімдерде 6 лаборатория бар:
1. Салмақты теңсіздіктер және интегралдық операторлар (жетекшісі, проф. ОйнаровР.
2. Соболев салмақты кеңістігіндегі мультипликаторлар теориясы (жетекшісі, проф. Кусаинова Л.К.);
3. Дифференциалдық операторлар (жетекшісі, проф. Оспанов К.Н.);
4. Функционалдық кеңістік және гармоникалық талдаудың есептері (жетекшісі, проф. Тлеуханова Н.Т., Нурсултанов Е.Д.);
5. Фурье қатары және жуықтау теориясы (жетекшісі, проф. Бокаев Н.А.);
6. Көп айнымалы функциялардың функционалдық кеңістігі (жетекшісі, проф. Бекмаганбетов К.А.).
Институт директоры
Р.Ойнаров физика-математика ғылымдарының докторы, профессор, ҚР ҰҒА академигі.
Ғылыми әрекеттердің негізгі бағыты
Математика, шеттік есептердің жалпы теориясы, дифференциалдық операторлардың спектральді теориясы, салмақты кеңістіктегі енгізу теориясы, айырымдық және дифференциалдық операторлардың ажырату теориясы, салмақты теңсіздіктер, фунционалдық кеңістіктер, сызықты және сызықты емес интегралдық операторлар, өзгешеленген дифференциалдық теңдеулер, басқару теориясы, жалпыланған аналитикалық функциялар теориясы.
Ғылыми жетістіктері
Кванттық механикадағы дифференциалдық оператордың спектрінің өзгеруін тиімді бақылау және С. Л. Соболева салмақты кеңістігіндегі енгізу шартын нақты сипаттау үшін q агрегаты жасалынып алынды (Өтелбаев функциясы ретінде танымал).
Банах кеңістігінде аддитивті операторлардың қисынды сығылуы және кеңейуінің теориясы жасалынды, осының аясында КСРО ҒА академигі И. Г. Петровскийдің ультрагиперболалық және жалған парболалық дифференциалдық теңдеулер үшін қисынды есеп туралы мәселесі шешілді.
Салмақты кеңістіктердегі интегралдық операторлардың әр классы үшін, оның шенелімділігінің қажетті және жеткілікті шарттары алынды. Бөлшектеп интегралдау операторының барлық түрін қамтитын бір интегралдау операторлар классы бөлініп алынды және реттік дәлдікпен нормасының бағалауы берілді;
Мульти салмақты туындылы функционалдық кеңістіктер теориясы және олардың сингулярлы дифференциалдық теңдеулерге қолданысы жасалынып алынды.
Абстарктілі анизотропты кеңістіктер үшін жаңа интерполяциялық әдісі құрылды. Сандық интерполяциялық әдісінің реитерациясы туралы есеп шешілді;
Фурье коэффициенті туралы Харди-Литтлвуд, мультипликаторлар туралы Хермандер, оператлордың үйірткісі туралы Онейла, бисызықты оператордың интерполяциясы туралы Леонс және Петр, Харди-Литтлвуда-Пэли теңсіздігі және т.б. классикалық теоремаларын жалпылайтын және күшейтетін желілік кеңістіктер әдісі жасалынды.
2009 жылдан бастап ЕМИ негізгі қызметкерлерінің күшімен “Eurasian Mathematical Journal” ғылыми журналы ағылшын тілінде басып шығарылды.
Бас редактор – ҚР Ұлттық ғылым академиясының академигі М.Отелбаев, редакция алқасының мүшелері: ҚР ҰҒА академигі Ойнаров Р., профессорлар НурсултановЕ.Д., УмирбаевУ.У., КусаиноваЛ.К., ОспановК.Н., Бокаев Н.А. – институттың штаттан тыс қызметкерлері. EMJ журналы мына ұйымдарда индекстелді:Scopus ( 2015 жылдан бастап); Web of Science (ESCI) ( 2016 жылдан бастап); Mathematical Reviews, MathSciNet (American Mathematical Society, USA); Zentrablatt Math (ZMATH, Germany); ReferativnyiZhurnal-Matematika, Math-Net.Ru (Russia). EMJ Қазақстан Республикасы Білім және ғылым министрлігі Білім және ғылым саласындағы бақылау комитеті ұсынған жарияланымдар тізіміне, сондай-ақ Жоғары аттестациялық комиссия (РФ Білім және ғылым министрлігі)ұсынған журналдар тізіміне енгізілген.
2011 жылдан бастап MathSciNet (АҚШ) және Math-Net.Ru (Ресей) математикалық порталдарында тіркелген.
Сондай-ақ, EMИ директоры Ойнаров Р. - шетелде жарияланатын рейтингісі бар 2 журналдың редакциялық кеңестерінің мүшесі.
Шетелдік ғылыми орталықтармен жасалған келісімшарт негізінде PhD докторанттарын дайындау бойынша бірлескен жұмыс жүргізілуде.
ЕМИ профессорларының жетекшілігімен 28 диссертация қорғалды, оның 15-і Қазақстанда және шет елдерде (Швеция, Италия, Испания).
EMИ зерттеу орталықтарынан келген профессорларға, докторанттарға оқу курстарын және сондай-ақ семинарда ғылыми презентацияларын таныстыруларын ұйымдастырады.
Әр бейсенбіде сағат 17:00-де ЕМИ-дің 304 бөлмесінде академик Өтелбаев Н.М. проф. Ойнаров Р., проф. Нурсултанов Е.Д., проф. Оспанов К.Н., жетекшіліктерімен «Функционалды талдау және оның қолданыстары» атты ғылыми семинар өткізіледі, онда PhD докторанттар, магистранттар мен жастар қатысады.
