Магистратураға құжаттар қабылдау мерзімі 2019 жылдың 3-шілдесі мен 25-шілде аралығы
Магистратураға түсуші тұлғалар университетке келесі құжаттарды тапсырады:
1) Қазақстан Республикасы Білім және ғылым министрінің 2019 жылғы 8 мамырдағы №190 бұйрығымен бекітілген Кешенді тестілеу өткізудің үлгілік қағидаларына (Нормативтік құқықтық актілерді мемлекеттік тіркеу тізімінде №18657 болып тіркелген) сәйкес белгіленген нысанда ұйым басшысының атына жазылатын өтініші;
2) жоғары білімі туралы диплом (Қабылдау комиссиясына құжат тапсыратын уақытта диплом мен қосымшаның түпнұсқасы);
3) жеке куәлігінің көшірмесі;
4) Үлгілік қағиданың 14-тармағында көрсетілгендей білім беру ұйымдарында оқыудың, жоғары оқу орнынан кейінгі білім беру бағдарламасын іске асыру мен бағдарламалар бойынша тест тапсырғаны туралы сертификаттың көшірмесі, сондай-ақ бағдарламалар бойынша стандартталған тест тапсырғаны туралы халықаралық сертификат (GRE, GMAT) (бар болған жағдайда).
Шет тілін меңгерудің жалпы еуропалық құзыреттеріне (стандарттарына) сәйкес шет тілін меңгергенін растайтын бір халықаралық сертификаттары бар тұлғалар келесі тілдер бойынша магистратураға КТ-ң шет тілі бойынша тестінен босатылады:
Ағылшын тілі: Test of English as a Foreign Language Institutional Testing Programm (TOEFL ITP – кемінде 163 балл), Test of English as a Foreign Language Institutional Testing Programm Internet-based Test (TOEFL IBT, шекті балл – кемінде 46), Test of English as a Foreign Language Paper-based testing (TOEFL PBT) шекті балл – кемінде 453, Test of English as a Foreign Language Paper-delivered testing (TOEFL PDT) – шекті балл – кемінде 65), International English Language Tests System (IELTS, шекті балл – кемінде 5.5);
Неміс тілі: Deutsche Sprachpruеfung fuеr den Hochschulzugang (DSH, Niveau C1/С1 деңгейі), TestDaF-Prufung (Niveau C1/С1 деңгейі);
Француз тілі: Test de Franзais International™ - (TFI – оқу және тыңдалым секциялары бойынша B1 деңгейден төмен емес), Diplome d’Etudes en Langue franзaise - (DELF, B2 деңгейі), Diplome Approfondi de Languefranзaise - (DALF, C1 деңгейі),Test de connaissance du franзais - (TCF – кемінде 400 балл).
Ұсынылатын сертификаттардың шынайылығы мен қолданылу мерзімін университеттің қабылдау комиссиялары тексереді.
5) кадрлар есебі бойынша жеке іс парағы және еңбек өтілі бар тұлғалар үшін еңбек қызметін растайтын құжат (кадрлар бөлімімен расталған еңбек кітапшасының көшірмесі; тоқтату күні мен оны тоқтатудың негізі туралы жұмыс берушінің белгісі бар еңбек шарты; еңбек шартының жасалуы және тоқтатылуы негізінде еңбек қатынастарының туындауын және тоқтатылуын растайтын жұмыс беруші актілерінен үзінді көшірмелер; жұмыскерлерге жалақы төлеу ведомосынан үзінді көшірмелер; жұмыс беруші қол қойған, ұйымның мөрімен расталған қызметтік тізім (жұмыскердің жұмысы, еңбек қызметі туралы мәліметтер тізбесі); аударылған міндетті зейнетақы жарналары туралы бірыңғай жинақтаушы зейнетақы қорынан үзінді көшірмелер; жүргізілген әлеуметтік аударымдар туралы Мемлекеттік әлеуметтік сақтандыру қорынан мәліметтер; жұмыскердің еңбек қызметі туралы мәліметтер қамтылған архивтік анықтама жұмыскердің еңбек қызметін растайтын құжат);
6) 3x4 сантиметр мөлшеріндегі алты фотосурет;
7) 086-У нысанындағы медициналық анықтама флюрографиясымен;
8) жұмыс/оқу орнымен расталған ғылыми және ғылыми-әдістемелік жұмыстардың тізімі (бар болған жағдайда);
9) Кешенді тестілеу төлемінің түбіртегі;
10) тезтікпе, 6 файл, конверт (A5).
Сонымен қатар, осы тармақта көрсетілген құжаттардың көшірмелері және салыстыру үшін түпнұсқалары қоса ұсынылады. Салыстыруды жүргізгеннен кейін түпнұсқалар қайтарылады.
Магистратураға түсу үшін КТ-ға қатысу бағасы 1 үміткер үшін – 8292 тенге.
ҚҰ БҒМ «Ұлттық тестілеу орталығы» РМҚК реквизиттері: 010011, Нұр-Сұлтан қ., Жеңіс даңғылы, 60. БИН 000140001853. ИИК KZ536010111000001515. БИК HSBKKZKX, КБЕ 16. «Қазақстан халық банкі» АҚ
ЖӘБ есебінен білім беру гранттарын тағайындау жөніндегі конкурсқа
құжаттар қабылдау мерзімі 2019 жылдың 24-25 тамызы күндері
· арнайы үлгідегі өтініш;
· жоғары білімі жөніндегі құжат (түпнұсқа және көшірме, қабылдау комиссиясына құжаттарды тапсыру кезінде);
· кешенді тестілеу сертификаты (қабылдау комиссиясына құжаттарды тапсыру кезінде);
· «Денсаулық сақтау ұйымдарының бастапқы медициналық құжаттама нысандарын бекіту туралы» Қазақстан Республикасы Денсаулық сақтау министрінің м.а. 2010 жылғы 23 қарашадағы № 907 бұйрығымен бекітілген (Нормативтік құқықтық актілерді мемлекеттік тіркеу тізілімінде № 6697 болып тіркелген) (бұдан әрі - № 907 бұйрық) 086-У нысанындағы медициналық анықтаманы;
· жеке куәлік көшірмесі.
Құжаттар қабылдау мерзімі 2019 жылдың 17-20 тамызы күндері аралығында
Жоғары оқу орнынан кейінгі білім беру грантының конкурсына қатысу үшін оқуға түсуші Л.Н. Гумилев атындағы ЕҰУ қабылдау комиссиясына келесі құжаттарды 20 тамызға дейін тапсырады:
· арнайы үлгідегі өтініш;
· жоғары білімі жөніндегі құжат (түпнұсқа және көшірме, қабылдау комиссиясына құжаттарды тапсыру кезінде);
· кешенді тестілеу сертификаты (қабылдау комиссиясына құжаттарды тапсыру кезінде);
· «Денсаулық сақтау ұйымдарының бастапқы медициналық құжаттама нысандарын бекіту туралы» Қазақстан Республикасы Денсаулық сақтау министрінің м.а. 2010 жылғы 23 қарашадағы № 907 бұйрығымен бекітілген (Нормативтік құқықтық актілерді мемлекеттік тіркеу тізілімінде № 6697 болып тіркелген) (бұдан әрі - № 907 бұйрық) 086-У нысанындағы медициналық анықтаманы;
· жеке куәлік көшірмесі;
· Магистратураға түсуші тұлға өтініште бір білім беру бағдарламаларының тобын және үш жоғары және жоғары оқу орнынан кейінгі білім беру ұйымдарын көрсетеді.
