Шетелдік студенттер мен түлектерден құттықтау
Студенттердің өмірі жастық шақтың дәурені, сонымен қоса алуан түрлі есте қаларлықтай қызықтарға тұнық болып келеді. Университетте жастардың шығармашылық әлеуетін жетілдіріп, олардың бойындағы дарын ұшқындарының байқалуларына қолдау көрсету үшін барлық жағдай жасалды. Оқу үдерісінен тыс жұмыстардың іске асуын «Өнер орталығы» қадағалайды (Нұр-Сұлтан қаласы, Пушкин көшесі, 11, №2 оқу ғимараты, бірінші қабат, @oner_ortalygy).
Егер Сіз шығармашылық адамы болсаңыз және өзіңіздің сүйікті ісіңізбен айналысқыңыз келсе, «Өнер орталығы» Сізді күтеді.
Орталығының басшысы және жетекшілері университеттің әртүрлі шығармашылық ұжымдарына қатысам деушілерді сараптайды, яғни жыл сайын іріктеу сынын өткізеді.
Орталықтың негізгі мақсаты – шығармашылық, рухани мүмкіндіктерін дамытуға жағдай жасау, салауатты өмір салтына мықты дағдыларды қалыптастыру және студенттердің азаматтық-адамгершілік мәдениетін тәрбиелеу. Университеттің шығармашылық ұжымдарын Халықаралық, Республикалық және қалалық байқаулар мен фестивальдарға дайындау. Студенттердің шығармашылық қабілеттерін дамыту, шығармашылық ұжымдарды сапалы, жаңаша етіп құру, музыкалық мұраны насихаттау, мерекелік іс-шараларды ұйымдастырудың сапасын арттыру, өз елінің нағыз, шынайы патриоттарын тәрбиелеп шығару.
Жыл сайын университет қабырғасында әртүрлі қызықты көлемді мәдени іс-шаралар өтеді, солардың бірегейлері дәстүрге айналған: «BELES» студенттер қатарына қабылдау рәсімі, «Еуразия жұлдызы» ең үздік шығармашылық таланттарды марапаттау рәсімі, «Қош келдің, жаңа жыл!» мерекелік концерті, «Еуразия аруы» байқауы, «Ер жігіт» байқауы, «ENUVISION» ән байқауы, «Еуразия дауысы» ән байқауы, «ENUSHOW» факультетаралық байқауы және т.б.
«Өнер орталығының» мүшелері Халықаралық, Республикалық және қалалық байқауларға қатысып жоғары бағаланған болатын, оларды атап кетсек:
· «Мир танца» Халықаралық байқауы, Испания, Коста Браво;
· «UNIVISION» Халықаралық ән байқауы, Азербайджан, Баку қаласы;
· Чирлидингтен Халықаралық Азия чемпионаты Корея, Сеул;
· «КиВиН» Халықаралық КВН командаларының фестивалі Сочи қаласы;
· «DUBAI MUSIC FESTIVAL-CONTEST» Халықаралық байқауы Дубай қаласы;
· «OPEN ASIA» Халықаралық байқауы Өзбекістан, Ташкент қаласы;
· «Молода Галичина» Халықаралық байқауы Украина, Львов қаласы;
· 2019 жылы «Үздік жастар театры» номинациясы «Елорда жастары» байқауының жеңімпаздары Нұр-Сұлтан қаласы;
· «GLORIA» Республикалық байқауы Алматы қаласы.
«Өнер орталығы» құрамына келесі ұжымдар кіреді:
· «E-STUDIO» әншілері (@e_studio_enu жаңа әншілер топбын құру, олардың кәсіби шеберліктерін дамытуға қолдау көрсету);
· «Самұрық» би мектебі (@school_dance_samruk би ансамбльдерін құру, халық және заманауи билерді қою);
· «Шаңырақ» театры (@shanyraq_enu театралдық пьеса қойылымдары, әртістік өнерді зерттеп, үйрену);
· «Дала сазы» оркестрі (@dala_sazy_enu фольклорды, яғни халқымыздың музыкалық мұрасын дамыту, танымал және жаңа шығармаларды орындау);
· Жайдарман и КВН командалары (@enu_jaidarman, @kvn_enu);
· «ENUlife» медиа орталығы (@enulife медиа бағыттарындағы ұжымдық қозғалыс. Бейне, фото және графикалық дизайн);
· «EURASIA» вокалды-инструментал ансамблі.
Егер де Сіз өнерге бір табан жақын болсаңыз, «Өнер орталығына» қош келдіңіздер!
