Студенттер үйі
Студенттер үйі дирекциясында (бұдан әрі - СҮД) жоғары білікті кәсіби мамандар жұмыс істейді. СҮД студенттермен, олардың ата-аналарымен және деканаттармен әрдайым тығыз қарым-қатынаста қызмет атқарады, Дирекция өзінің барлық күш-жігерін студенттердің білім алуын неғұрлым нәтижелі және табысты етуге бағыттаған.
Тәрбиелеу процесінде рухани-адамгершілік мәдениетті кешенді жоспарлау, эстетикалық тұрғыдан дамыту және салауатты өмір салтын қолдау жүйесі қалыптасқан.
Педагогтар әрдайым тренингтер өткізеді және студенттермен профилактикалық кеңес жұмыстарын жүргізеді. Әр бейсенбі сайын әр қабатта топ басшылары мен әкімгерлердің қатысуымен жиналыстар өткізіледі. Іс-шараларды және басқа да ұйымдастыру мәселесіне қатысты жұмыстарды атқаруға студенттер кеңесінің белсенділері жәрдемдеседі және қолдау көрсетеді. Студенттер ізгі істермен қоса пайдалы жұмыс атқара отырып, өздері тұратын Студенттер үйінің өміріне белсенді араласады.
Студенттер Үйі Дирекциясының негізгі міндеттері мыналар:
Болашақ мамандардың, Қазақстан Республикасы азаматтарының белсенді шығармашылық тұрғыда жоғары адамгершілік, дене тәрбиесі, зияткерлік, эстетикалық жағынан дамуын қамтамасыз ететін қажетті тұрмыстық жағдай жасау;
Студенттер үйінде тұратын ЕҰУ студенттерін рухани құндылықтарды бағалауға тәрбиелеу, азаматтық сана-сезім нормаларын ұстанатын, шығармашыл, мәдениетті тұлға етіп қалыптастыру;
Студенттерді салауатты өмір салты ережелерін білуге баулу, студенттер үйлерінде тұратын студенттерге жоғары этикалық көзқарас қалыптастыру;
СҮД басшылығы негізгі коммуникативтік ережеден – студенттер үйінде тұрып жатқан барлық студенттерге мейірбандықпен қараудан туындайтын өзінің алдына қойылған міндеттерді жүзеге асырады.
Міндеттерді орындау мыналарға негізделеді:
- Тәрбие процесін жоспарлауға, ұйымдастыруға, бақылауға;
- студенттер үйлерін белгіленген санитарлық ережелерге сәйкес ұстауға;
- белгіленген нормаларға сәйкес СҮ тұратындарға коммуналдық-тұрмыстық қызмет көрсету және қамтамасыз етуге;
- СҮ тұрғын үй және мәдени-тұрмыстық жағдайды жақсарту жөніндегі шараларды жүзе асыруға.
Л.Н. Гумилев атындағы Еуразия ұлттық университетінде 6 студенттер үйі жұмыс істейді, оның 3-уі жақын арада салынған. Еліміздің түкпір-түкпірінен келген университет студенттерінің жартысынан көбі студенттер үйлерінде тұрады, сондықтан студенттердің тұруы және оқуы үшін барлық тиісті жағдайдың жасалуы біз үшін аса маңызды.
№1 Студенттер үйі
№1 Студенттер үйі А. Янушкевич атындағы көшенің №4 үй мекен-жайында орналасқан. Оның іргетасы 1964 жылы педагогика институты болып қаланды, ол институттың оқу корпусы ретінде жұмыс істеді. Бүгінде ол ең үздік студенттер үйінің бірі болып табылады.
ЕҰУ-дың №1 СҮ негізгі міндеті – студенттер мен магистранттардың физилогиялық, психологиялық, зияткерлік ерекшеліктерін, жеке мүдделері мен икемділіктерін ескере отырып, олардың студенттер үйлерінде тұруға қол жеткізуін және тұру сапасының жақсартылуын қамтамасыз ету. Оқыту, тәрбиелеу нәтижелерінің және студенттер үйлерінде тұруда көрсетілетін қызметтердің жоғары сапасы СҮД ұжымының жұмыс тиімділігінің көрсеткіші болып табылады.
№2 Студенттер үйі
№2 Студенттер үйі есу арнасы аумағында «Гүл сағаттарының» жанында орналасқан. Барлық оқу корпустары №2 СҮ-не жақын орналасқан. «Отырар» университет кітапханасы студенттер үйінің алдында тұр. Осы жерде көптеген қалалық автобустар аялдамалары бар. Студенттер үйінің маңында саябақ алаңқайы да орын алған.
Студенттер үйі «А» және «Б» блок тарынан тұрады, әрбіреуі секциялы 83 бөлмеден тұрады. Әр бөлмеде 3 және 4 адамнан тұрады. СҮ келгеннен кейін студент төсек-орын жиынтығымен қамтамасыз етіледі. Электр қуатын тиімді пайдалану мақсатында барлық бөлмелерде және секцияларда қуат үнемдейтін лампочкалар қойылды. СҮ сыпайы және білікті қызметкерлері әр студентпен жеке тіл табыса алады.
№3 Студенттер үйі
№3 Студенттер үйі «Встреча» сауда орталығы аумағында М. Жұмабаев көшесінің 12/1 үйінде орналасқан.
Әр қабатта тұрмыстық бөлмелер мен душ бөлмелері бар. Әр бөлмеде 3 немесе 4 студент тұрады. Басқа студенттер үйлеріндегідей мұнда бөлмелер және тұрмыстық бөлмелер бойынша кезекшілік кестелері бар.
Жатақханада 500-ден астам студент тұрады.
Студенттер үйі ұжымының негізгі міндеті - студенттерге барынша жағдай жасау. Тәрбие жұмысы өзінің туған үйіндегі дәстүрлерді сақтай отырып, студенттерге жатақханаға деген оң көзқарас қалыптастырады.
№ 4-5 Студенттер үйі
№4 және №5 Студенттер үйі мына мекен-жайларда орналасқан: Жұмабаев көшесі 14 және 14/1.
СҮ тоғыз қабатты ғимарат, ғимараттарда жеделсаты жұмыс істейді. Бөлмелер дәліз тұрпатында орналасқан, ол жерде 5 және 6 адамнан тұрады. Әрбір бөлмеде жуынатын жер, кіреберіс және ас үй бөлмелері бар, электр плиталарымен жабдықталған. № 5 СҮ-де 220 орынға арналған жаңа үлгідегі кинотеатр жұмыс істейді.
№6 Студенттер үйі
№6 Студенттер үйі мына мекен-жайда орналасқан: Янушкевич көшесі, 4/1 үй.
СҮ бес қабатты ғимарат. Бөлмелер дәліз тұрпатында орналасқан, ол жерде 6 және 8 адамнан тұрады. Әрбір бөлмеде жуынатын, кіреберіс бөлмелері бар. Ас үй бөлмелерінде электр плиталарымен жабдықталған.
