ENU.KZ | Л.Н.Гумилев атындағы Еуразия ұлттық университеті

Өрт қауіпсіздігінің алдын-алу мақсатында Л.Н. Гумилев атындағы Еуразия ұлттық университетінің Студенттер үйлерінде өткізілетін оұу-жаттығу шараларының КЕСТЕСІ

Л.Н. Гумилев атындағы Еуразия ұлттық университетінің қарамағында 7 Студенттер үйлері бар.

Жоба бойынша барлық Студенттер үйлері 3000 орынға есептелген, бірақ студенттер мен жатақханалардың саны жыл сайын артып келе жатқандықтан, 2019-2020 оқу жылына Студенттер үйінде 4505-тен астам студент орналасады, бұл көрсеткіш 1,5 есе көп.

Жыл сайын ММУ ҚФ басшылығынан ЕҰУ-нің студенттеріне 250 орын беру жоспарланып отырады.

Студенттер үйі дирекциясында (бұдан әрі - СҮД) жоғары білікті кәсіби мамандар жұмыс істейді. СҮД студенттермен, олардың ата-аналарымен және деканаттармен әрдайым тығыз қарым-қатынаста қызмет атқарылады. Дирекция өзінің барлық күш-жігерін студенттердің білім алуын неғұрлым нәтижелі және табысты етуге бағыттаған.

Тәрбиелеу процесінде рухани-адамгершілік мәдениетті кешенді жоспарлау, эстетикалық тұрғыдан дамыту және салауатты өмір салтын қолдау жүйесі қалыптасқан.

Педагогтар әрдайым тренингтер өткізеді және студенттермен профилактикалық кеңес жұмыстарын жүргізеді. Әр бейсенбі сайын әр қабатта топ басшылары мен әкімгерлердің қатысуымен жиналыстар өткізіледі. Іс-шараларды және басқа да ұйымдастыру мәселесіне қатысты жұмыстарды атқаруға студенттер кеңесінің белсенділері жәрдемдеседі және қолдау көрсетеді. Студенттер ізгі істермен қоса пайдалы жұмыс атқара отырып, өздері тұратын Студенттер үйінің өміріне белсенді араласады.

Студенттер үйі дирекциясының негізгі міндеттері мыналар:

Болашақ мамандардың, Қазақстан Республикасы азаматтарының белсенді шығармашылық тұрғыда жоғары адамгершілік, дене тәрбиесі, зияткерлік, эстетикалық жағынан дамуын қамтамасыз ететін қажетті тұрмыстық жағдай жасау;

Студенттер үйінде тұратын ЕҰУ студенттерін рухани құндылықтарды бағалауға тәрбиелеу, азаматтық сана-сезім нормаларын ұстанатын, шығармашыл, мәдениетті тұлға етіп қалыптастыру;

Студенттерді салауатты өмір салты ережелерін білуге баулу, студенттер үйлерінде тұратын студенттерге жоғары этикалық көзқарас қалыптастыру;

СҮД басшылығы негізгі коммуникативтік ережеден – студенттер үйінде тұрып жатқан барлық студенттерге мейірбандықпен қараудан туындайтын өзінің алдына қойылған міндеттерді жүзеге асырады.

Міндеттерді орындау мыналарға негізделеді:

· Тәрбие процесін жоспарлауға, ұйымдастыруға, бақылауға;

· студенттер үйлерін белгіленген санитарлық Ережелерге сәйкес ұстауға;

· белгіленген нормаларға сәйкес СҮ тұратындарға коммуналдық-тұрмыстық қызмет көрсету және қамтамасыз етуге;

· СҮ тұрғын үй және мәдени-тұрмыстық жағдайды жақсарту жөніндегі шараларды жүзе асыруға.

Еліміздің түкпір-түкпірінен келген университет студенттерінің жартысынан көбі студенттер үйлерінде тұрады, сондықтан студенттердің тұруы және оқуы үшін барлық тиісті жағдайдың жасалуы біз үшін аса маңызды.

№1 Студенттер үйі

№1 Студенттер үйі Янушкевич көшесі, 4 мекен-жайда орналасқан.

Жатақхана іргетасы 1964 жылы педагогика институты болып қаланды, ол институттың оқу корпусы ретінде жұмыс істеді. Жатақхана жоба бойынша 160 орынға есептелген. 58 бөлме санынан тұрады. ЕҰУ-дың №1 СҮ негізгі міндеті – студенттер мен магистранттардың физилогиялық, психологиялық, зияткерлік ерекшеліктерін, жеке мүдделері мен икемділіктерін ескере отырып, олардың студенттер үйлерінде тұруға қол жеткізуін және тұру сапасының жақсартылуын қамтамасыз ету. Оқыту, тәрбиелеу нәтижелерінің және студенттер үйлерінде тұруда көрсетілетін қызметтердің жоғары сапасы СҮД ұжымының жұмыс тиімділігінің көрсеткіші болып табылады.

№2 Студенттер үйі

№2 Студенттер үйі Абылай хан даңғылы, 2 мекен-жайда орналасқан.

Студенттер үйі іргетасы 1986 жылы қаланды. Жатақханаға биыл күрделі жөндеу жұмыстары жүргізілді. №2 Студенттер үйі жоба бойынша 460 орынға есептелген, нақты 595 орынды құрайды. Барлық оқу корпустары №2 СҮ-не жақын орналасқан. «Отырар» университет кітапханасы студенттер үйінің алдында тұр. Осы жерде көптеген қалалық автобустар аялдамалары бар. Студенттер үйінің маңында саябақ алаңқайы да орын алған.

Студенттер үйі «А» және «Б» блоктарынан тұрады, әр біреуі 83 секциядан тұрады. Әр бөлмеде 3-4 адамнан тұрады. СҮ келгеннен кейін студент төсек-орын жиынтығымен қамтамасыз етіледі. Электр қуатын тиімді пайдалану мақсатында барлық бөлмелерде және секцияларда қуат үнемдейтін лампочкалар қойылды. СҮ сыпайы және білікті қызметкерлері әр студентпен жеке тіл табыса алады.

№3 Студенттер үйі

№3 Студенттер үйі М. Жұмабаев даңғылы, 12/1 мекен-жайда орналасқан.

№3 Студенттер үйі іргетасы 1976 қаланған. Жатақхана 5 қабаттан тұрады. Жатақханаға жөндеу жұмыстары 2017 жылы жүргізілді. Жоба бойынша 360 орынға, нақты 490 орынға есептелген. Әр қабатта тұрмыстық бөлмелер мен душ бөлмелері бар. Әр бөлмеде 3 немесе 4 студент тұрады. Басқа студенттер үйлеріндегідей мұнда бөлмелер және тұрмыстық бөлмелер бойынша кезекшілік кестелері бар.

Студенттер үйі ұжымының негізгі міндеті - студенттерге барынша жағдай жасау. Тәрбие жұмысы өзінің туған үйіндегі дәстүрлерді сақтай отырып, студенттерге жатақханаға деген оң көзқарас қалыптастырады.

№ 4-Студенттер үйлері

№4 Студенттер үйі М. Жұмабаев даңғылы, 14 мекен-жайында орналасқан.

Студенттер үйі тоғыз қабатты ғимарат, ғимараттарда жеделсаты жұмыс істейді.

№4 Студенттер үйі 2000 жылы пайдалануға берілді. Жатақханада күрделі жөндеу жұмыстары 2015 жылы жасалынған. 2016 жылы жөндеу жұмыстары жүргізілді. Жоба бойынша 500 орынға есептелген, студенттер саны көп болуына байланысты жыл сайын 868 студент тұрады.

№ 5-Студенттер үйлері

№5 Студенттер үйі М. Жұмабаев даңғылы, 14/1 мекен-жайында орналасқан.

№5 Студенттер үйі 2004 жылы салынып, пайдалануға берілген. Күрделі жөндеу жұмыстары жасалу жоспарда тұр, жатақханада жөндеу жұмыстары жүргізілді. Жоба бойынша 500 орынға есептелген, студенттер саны көп болуына байланысты жыл сайын 928 студент тұрады.

№4-5 СҮ бөлмелері дәліз тұрпатында орналасқан, бөлмеде 4-адамнан тұрады. Әрбір бөлмеде жуынатын жер, кіреберіс және ас үй бөлмелері бар, электр плиталарымен жабдықталған.

№ 4 СҮ студенттерге арналған би залы бар

№ 5 СҮ-де 220 орынға арналған жаңа үлгідегі кинотеатр жұмыс істейді.

№6 Студенттер үйі

№6 Студенттер үйі А. Янушкевич көшесі, 4/1 мекен-жайда орналасқан.

№6 СҮ бес қабатты ғимарат. Бөлмелер дәліз тұрпатында орналасқан, Бөлмеде 4-6 адамнан тұрады. Жоба бойынша 250 орын, нақты 424 орын. Әрбір бөлмеде жуынатын, кіреберіс бөлмелері бар. Ас үй бөлмелерінде электр плиталарымен жабдықталған.

№7 Студенттер үйі

№7 Студенттер үйі А. Пушкин көшесі, 11/2 мекен-жайда орналасқан:

№7 СҮ Студенттер үйі 2017 жылы салынған, тоғыз қабатты ғимарат. Студенттер үйі «А», «Б» және «В» блоктарынан тұрады. Жоба бойынша 500 орынға есептелген, 59 бөлмеден санын құрайды. Бөлмелер пәтер тұрпатында орналасқан. Ғимаратта лифт жұмыс жасайды. Бөлмеде 3 адамнан тұрады. Әрбір бөлмеде жуынатын, кіреберіс және ас үй бөлмесі бар. Ас үй бөлмелерінде электр плиталарымен және жиhаз жабдықтармен жабдықталған.

№8 Студенттер үйі (жалдамалы)

№8 Жанкент 55 мекен-жайында орналасқан. Студенттер үйі келісім шарт негізінде 320 орынға есептелген, салынған жылы 2015.

Бөлім мәзірі