ЕҰ-да «Тұрақты даму мақсаттары сағаты» айдары басталды

Университетімізде тұрақты даму бастамаларын қолдау аясында «ТДМ Сағаты» атты жаңа айдар іске қосылды - бұл білім беру процесіне тұрақты даму қағидаларын енгізуге байланысты негізгі тақырыптарды талқылайтын алаң.

Алғашқы іс-шара «Тұрақты даму модулін талқылау» тақырыбында өтті, онда Қоршаған ортаны қорғауды басқару және инжиниринг кафедрасының меңгерушісі Румия Тазитдинова баяндама жасады. Өзінің презентациясында ол жаңа модульдің мақсаттары, міндеттері мен құрылымы туралы, сондай-ақ оның экологиялық және әлеуметтік аспектілерге саналы көзқарас қалыптастырудағы маңызы туралы егжей-тегжейлі айтып берді.

Презентация келесі пәндерді қамтыды:

-тұрақты қолжетімді технологиялар және олардың экологиялық әсері,

-ресурстар мен қалдықтарды басқару,

-тұрақты дамудың әлеуметтік-экологиялық аспектілері.

Іс-шараға стратегиялық даму және интернационализация жөніндегі проректор, кафедра меңгерушілері, сондай-ақ департамент өкілдері қатысты. Қатысушылар модульді енгізу тәсілдерін белсенді түрде талқылап, оның мазмұнын мамандықтар бойынша бөлу туралы ұсыныс жасады. Жалпы тұрақты дамудың негізгі аспектілерін қамтитын блок, сондай-ақ әрбір оқу бағдарламасына арналған мамандандырылған модульдер әзірлеу туралы шешім қабылданды.

Талқылау қызығушылық пен конструктивті диалог атмосферасында өтті. Бұл идеялар университеттің білім беру ортасына тұрақты даму қағидаларын интеграциялау жолындағы маңызды қадам болады.

«ТДМ Сағаты» айдарының жаңалықтарын қадағалап, университетіміз бен қоғамды дамытуға бағытталған барлық бастамалардан хабардар болыңыздар!