ЕҰУ тамақтану орындарының оқу жылына дайындығын тексерді

Л.Н. Гумилев атындағы ЕҰУ-дың Әлеуметтік-мәдени даму жөніндегі проректоры Ләзат Нұрқатова, құрамында Қазақстан Республикасы Сауда және интеграция Министрлігі жанындағы Қоғамдық кеңестің мүшесі Арслан Карханов, ЕҰУ Жастар орталығының төрағасы Ерлан Киікбай университеттің қоғамдық тамақтану орындарының жаңа оқу жылына дайындығымен танысты. Университеттің асханаларына бірнеше жыл бойы «Фудбрендс» ЖШС қызмет көрсетеді.

Асханалар санитарлық жағдайлардың сақталуына, баға мен сапа арақатынасына, сондай-ақ студенттер мен ЖОО қызметкерлерінің ескертулерін жоюға тексерілді.

«Тұтынушылардың құқықтарын қорғау туралы Заңды іске асыру мақсатында біз өткен жылғы ескертулерді ескере отырып, қоғамдық тамақтануымыздың дайындығын тексердік.

Біз кейбір мәселелерді анықтадық, оқу ғимараттары мен студенттік үйлерде тамақтануды қамтамасыз ететін серіктестерімізге ұсыныстар бердік.

Сондай-ақ, біз барлық мәзірлерді қарастырамыз, өйткені бірдей тағамға шағымдар түскен. Осыған байланысты аптаның күндері бойынша  мәзір жүйесін құру туралы ұсыныстар берілді. Біз студенттеріміздің университеттің асханаларында тамақтанғанын және басқа жерлерде тамақ іздеп жүгірмегенін қалаймыз», - деді проректор.

Қоғамдық тамақтану орындары өкілдерінің айтуынша, жаңа оқу жылынан бастап студенттер үшін кешенді түскі ас 700 теңге, ал қызметкерлер мен оқытушылар үшін 1200 теңге тұрады. Бұл азық-түлік пен коммуналдық шығындардың қымбаттауына байланысты.

Қазақстан Республикасы Сауда және интеграция Министрлігі жанындағы Қоғамдық кеңестің мүшесі Арслан Кархановтың айтуынша, ол ЕҰУ мен Астана қаласы бойынша тұтынушылардың құқықтарын қорғау және сауда департаменті арасында жасалған меморандум аясында ЖОО асханаларына баруға шақырды.

«Асханаларға бару кезінде мен буфет әкімшілігіне тұтынушының заңды құқықтарын сақтау үшін көмек сұрауға болатын бұрыш құруды ұсындым», - деді Қоғамдық кеңестің өкілі.

«Студенттер жоғары бағаларға шағымданады, бірақ менің ойымша, бағалар нарыққа сәйкес келеді. Егер біз бағаны төмендетуді талап етсек, тағамның сапасы да нашарлайды. Тамақтанатын орындардың көбірек болғанын қалаймын. Болашақта жағдайды жақсартуға қол жеткіземіз деп сенемін», - деді студент.

Айта кету керек, 1 қыркүйектен бастап ЖОО-дағы барлық қоғамдық тамақтану орындары жұмыс істейді.