Астанадағы Қазақ ұлттық спорт университеті мен ЕҰУ 120 дан астам көшет отырғызды

Еуразия ұлттық университеті мен Қазақ ұлттық спорт университеті «Достық тамыры» атты бірлескен экологиялық акция өткізді. Іс-шараның бастамашысы омбудсмен Нэля Шапекова болды.

Акцияның басты мақсаты жоғары оқу орындары арасындағы ынтымақтастықты нығайту, жастарға экологиялық білім беру және Елорданы көгалдандыруға қосқан үлесі болды.

Экологиялық бастамаға екі университеттің профессорлық-оқытушылық құрамы, декандары, Директорлар кеңесі мен басқарма мүшелері, қызметкерлері мен студенттері қатысты. Олар бірге ЕҰУ питомнигінде өсірілген 120-дан астам жас ағаштарды отырғызды. Қатысушыларға Павлодарлық эко-ерікті Юрий Гашек көмектесті, ол көшеттерді дұрыс отырғызу және күту бойынша кәсіби ұсыныстарымен бөлісті.

Акцияға қатысушыларды құттықтай отырып, Қазақ ұлттық спорт университетінің ректоры Тұрсынзада Қуанғалиева мен ЕҰУ профессоры Тілеген Садықов бірлескен академиялық және әлеуметтік жобалардың маңыздылығын атап өтті. Отырғызылған ағаштар университеттер арасындағы достықтың, ынтымақтастықтың және ұзақ мерзімді серіктестіктің тірі символына айналады, деді олар.

Іс-шара аясында Экологиялық ағартуға ерекше назар аударылды. Қатысушылар «Жерге бақ сыйла» семинар-тренингіне қатысып, табиғатқа ұқыпты қараудың, экожүйелерді сақтаудың және жасыл желектерге дұрыс күтім жасаудың маңыздылығы туралы білді.

Сондай-ақ, қонақтар экскурсия барысында университеттің инфрақұрылымымен және жетістіктерімен танысты.

Акция жаңа жасыл кеңістікті құруға қатысқан барлық белсенділерге атаулы сертификаттар табыстаумен аяқталды.

Енді әр қатысушының өз ағашы бар, оның өсуін көптеген жылдар бойы байқауға болады. Ал жаңа алаң елорданың жасыл келбетінің бір бөлігі ғана емес, екі университетті біріктіретін достықтың символына айналады.